堅持擇偶條件！黃榕要大隻靚仔唔要錢

藝人黃榕、許芯悅（Katie）、馬嘉均及一眾舞台劇演員到新田購物城出席新店開幕，黃榕及Katie表示聖誕會出席不少聚會，希望能物色新伴侶，受過多次情傷的黃榕堅持其擇偶條件：「靚仔、大隻，唔需要有錢，但有睇相佬話我兩年後會嫁個有錢人，希望同時都係靚仔又大隻啦！」Katie則笑言要徵老公，擇偶條件是愛錫她及有上進心。

之前黃榕操肌變大隻妹，她表示聖誕可以放鬆一下增肥，但明年四月會再參加健美比賽，撞正舞台劇翌日，相信屆時會相當辛苦。