一家四口去Ball！甄子丹唔夠阿仔打？

「宇宙最強」甄子丹與太太汪詩詩、女兒甄濟如和細仔甄濟嘉到灣仔出席慈善舞會，同場還有陳志健和羅苡之（Tisha）。甄子丹與汪詩詩謂這晚不會跳舞，只會做啦啦隊欣賞表演。提到細仔前日（14日）11歲生日，甄子丹表示特意留港慶祝，看着小朋友長大覺得很感觸和開心。汪詩詩透露與細仔商量如何慶祝，結果昨日（15日）就開Laser Tag Party，玩得很開心。甄子丹說：「大人、小朋友一齊。（你夠唔夠阿仔打？）佢好勁，6、7個小朋友圍攻我，前後包抄，難過拍戲！」他們表示有買生日禮物，而Party亦是禮物一部分。

至於甄子丹與內地男星王寶強孭飛的電影《冰封俠：時空行者》票房未如理想，電影出品方於官方微博發文公開批評子丹耍大牌，甄子丹坦言已交給律師處理：「呢套戲拍咗5年，我應承香港朋友拍，但我冇理內地邊個Partner，5年後就搞出咁嘅嘢，都未拍完，好多後期未整好，突然啲發行話要宣傳，話套戲要上，當時我拍緊《花木蘭》，撞咗期。」他自言之前不會理會假新聞，但這次太過份和誇張：「好離譜！劇本度好啲先出嚟玩，劇本好多破綻！今次唔係淨係為自己澄清，我覺得成個電影圈風氣都唔好。（對方有冇搵你解釋？）唔使解釋，佢即刻刪除咗微博，都知自己錯同身有屎！」他不知對方有否拖欠團隊薪金，但指對方仍欠自己很多尾期。

----------------------------

東網巨星開咗ig喇，大家快啲follow啦！

　https://bit.ly/2JjSVcr