蕭正楠宣布已娶黃翠如：多謝我太太

爆爆爆！又來一次騎劫台慶頒獎禮！蕭正楠和曹永廉憑節目《兄弟大茶飯》贏得「最受歡迎電視拍檔」，兩人互窒兼致感謝辭後，阿蕭突然深情向女友黃翠如表白，並以「太太」稱呼對方，驚爆已婚：「我好想喺呢個機會多謝我太太黃翠如！」身旁的翠如一臉甜笑，更立即爆喊，全場藝員即驚喜鼓掌！

緊張的阿蕭續說：「我依家好心神恍惚，一直希望感動到我太太，但我腦仔諗唔到好多嘢，多謝翠如令我學識照顧人，成為更好嘅男人！今晚承諾都幾大鑊！全香港睇住。」現場儼如變成兩人婚禮，全場大叫：「咀佢！」最終兩人甜蜜咀嘴及擁抱！

頒獎禮完騷後，阿蕭繼續在電視城做騷後節目，翠如就即返大埔新婚愛巢，等待老公返屋企慶祝。