奪「最受歡迎電視歌曲」　菊梓喬忍淚致謝

《萬千星輝頒獎禮2018》「最受歡迎電視歌曲」獎由菊梓喬獻唱的《跳躍生命線》插曲《但願人長久》奪得，菊梓喬致謝時語帶哭腔，除了多謝公司，還感激《跳》演員的出色演出：「佢哋演得好感動，我睇佢哋演出，喊咗好多次。今晚好開心，希望可以唱多啲好嘅音樂。」

另外，「新加坡及馬來西亞最喜愛劇集」由《三個女人一個「因」》獲得，眾演員及監製代表上台攞獎，監製潘嘉德表示：「多謝星馬觀眾支持，以及台前幕後嘅同事，黃智雯由頭到尾都冇病過，場場都有佢。」