周勵淇爆婚訊 霍汶希原來一早知…

20181217
東網電視
更多新聞短片
Niki今日突然宣布婚訊,Mani話自己一早就知!
現年39歲的周勵淇(Niki)突然宣布已成人妻,和內地演員傅浤鳴(前名:傅程鵬)結婚!Niki身為英皇旗下藝人,繼阿嬌(鍾欣潼)結婚後又輪到她,可謂喜事重重。英皇COO霍汶希(Mani)笑言:「想結婚嘅藝人就簽英皇!自己都想去飲,不過工作繁忙去唔到。」Mani稱Niki在外地舉行婚禮派對,以簡單為主,雙方家長均有出席。問到結婚一事,Niki事前可有知會她?Mani稱Niki已通知她一段時間:「佢想低調處理,搞一個簡單、溫馨嘅Party,所以就喺外國搞,佢尋日返嚟,所以今日咪公布消息。」
讚傅浤鳴純品
問可有見過傅浤鳴?Mani表示:「見過,佢係一個有禮貌、好純品嘅男人。(係咪ready造人,因為要做人後母?)佢哋兩個人諗清楚先會去到結婚階段,ready好先會有呢個決定。(佢哋點識?)拍戲識,識咗一段時間,再碰面就拍拖,適當時候咪結婚。」問Niki是否閃婚?Mani說:「呢個係人生終身大事,應該唔係閃婚,佢哋諗清楚先會做。」問Niki會不會已有BB?Mani以肯定語氣說:「唔係奉子承婚,亦都唔會喺香港擺酒。(你送咩禮物?)都係金豬,古太(古巨基太太)結婚時都係送金豬,呢個係有一個特別嘅意思,代表開枝散葉。」
冇影響工作
談及Niki剛簽英皇便嫁人,問可會怕對工作有影響?Mani重申Niki在電視、電影方面都有工作,並說:「唔會影響工作,2019年嘅工作已安排好晒,就好似阿嬌結婚後工作更加積極,係成熟、長大嘅表現。」而問到Niki何時會出來見傳媒時,Mani只透露Niki會出席阿嬌婚宴。