瞓身做打女　龔嘉欣周身傷被迫離家4個月

藝人龔嘉欣（Katy）、黎耀祥、陳豪、李佳芯、高海寧等到佐敦出席劇集《殺手》煞科宴，Katy在劇中有大量動作戲都是親身上陣，結果搞到傷患處處，包括手指斷筋、右腳小腿流血要縫針及周身瘀傷。她表示幸好沒有弄傷臉部，不過小腿傷處剛拆線，仍感到痛楚，要吃止痛藥，醫生表示很大機會會留疤：「監製睇咗片話我打得好靚，都叫抵返啲！（之後仲敢打？）有適合劇本都會拍！我今次真係可以出個受傷特集，為咗唔令家人心痛，我4個月冇返屋企，盡量避開佢哋，因為之前成身都太多瘀傷，可能冬至先見返屋企人。（拍晒未？）仲有一場打戲，之後就同家人去過熱天聖誕。」

Katy表示每次沖涼見到周身傷都很不開心，第一晚更匿埋狂喊：「第一場同祥哥（黎耀祥）打，我要用較剪腳夾佢，要吊威吔，結果對腳瘀晒，個頭又撞親石屎地，喺屋企忍唔住喊。（係後悔接拍？）係因為痛啫！」她表示沒有接錯戲，最開心是首次跟視帝黎耀祥合作，有大量對手戲，令她獲益不少，又大讚對方忍得痛，被她撞到肋骨依然面不改容。