阿嬌註冊似嫁妹　霍汶希送金豬求好運

37歲鍾欣潼（阿嬌）今日在港正式註冊結婚，阿嬌經理人霍汶希（Mani）抵埗說：「我準備咗一抽豬（金豬金器），呢年買咗幾套豬，由古巨基古太開始。（阿嬌話唔要豬？）佢阿媽話最緊要好運，今次主要係簽字啫，其實阿嬌好想低調嘅原因係20號先正式擺酒，先同大家分享佢嘅喜悅，阿嬌唔想煩到人哋，傳媒問我哋，我哋都要保密，我都同佢呢個世界上好難保密到，始終多人知！（嫁女？）嫁妹，都好開心嘅，我覺得最近自己好破費，但都送得好開心，英皇啲金豬畀我掃咗，依家只得幾隻豬咋。（買畀蔡卓妍（阿Sa）？）我送咗畀周勵淇先，下一隻係惠英紅同阿Sa。」