周家蔚炮製霉蝦　老公洪天明硬食

由藝人周家蔚和劉永健主持Viu TV新節目《友枱VIP》，是集請來陶大宇和郭政鴻做嘉賓。周家蔚指與洪天明因為鍾意食嘢而認識，周家蔚說：「好食佢會話好食，唔好食會彈，話啲蝦霉咗，咁蝦霉唔關我事，聽嗰個唔好囉！不過佢唔係話，係評論語氣。」

老爺洪金寶一向廚藝出眾，家蔚指去老爺家食飯，洪金寶定會親自下廚，問到老爺有否試她手藝？家蔚：「有，有壓力，好彩同街市檔熟，會教我點煮，我學煮好快，教完就識整，（老爺都會評論你廚藝？）好食會話好食，但唔會彈，唔出聲就知乜事，有次煮豬肉卷真係失敗咗，嗰時生完小朋友比較攰，唔係自己買餸又淨啲。」