通宵拍劇Chur爆 黃浩然背對白背到傻

2018年12月19日 20:00
東網電視
更多新聞短片
黃浩然話聖誕期間都忙住拍劇,可能冇時間陪屋企人喇…

藝人黃浩然出席「慈善賣嘢王」活動記者會,表示會捐出幾樣東西,其中一件是拍《多功能老婆》時戴過的手錶:「幾有紀念價值,而且時間好緊要,大家要把握時間做多啲公益嘅事。」他透露近日忙於拍《法證先鋒IV》,今早都拍通宵,到早上六點才睡覺,但都想來支持好友張啟樂:「佢係我契細佬,依家拍劇都希望幫手叫啲演員捐嘢出嚟,或者可能叫全劇演員一齊影張寶麗來,喺上面簽名,希望用唔同方法幫到患重病嘅小朋友實現夢想。」

提到之前與太太慶祝結婚13周年,黃浩然表示:「係呀,其實呢排都要開工,嚟緊聖誕節24、25、26號都要拍通宵,我都叫譚俊彥、陳煒、李施嬅幫我頂一日,想31號食餐飯,不過都係講笑啫,因為真係好多戲要拍。呢套劇我哋背對白背到傻咁,基本上打完招呼就即刻背對白,好多對白要背得好純熟。」問陪唔到太太過聖誕,太太可有詐型?他表示:「反而囝囝(詐型)多啲,因為太太呢排都要開戲,大家都忙,依家靠外母同阿媽照顧啲仔。(買定禮物畀佢哋補數?)係囉,砌定聖誕樹囉。」