何依婷做是非精　馮盈盈踢爆：佢好粗魯

無綫節目《學是學非》主持梁嘉琪、麥美恩、馮盈盈、鄺潔楹、何依婷在將軍澳電視城開工。新加入的何依婷接受交棒儀式，鄺潔楹笑說：「以後就到你畀人蝦。」

馮盈盈開工嘈音爆燈，問到何依婷可要戴耳塞開工？她笑說：「唔使，一齊開工好開心，我已經努力令自己更嘈，佢哋激發咗我嘅潛能。」馮盈盈笑說：「佢為咗融入我哋，已經令到自己好粗魯。」

馮盈盈在台慶頒獎禮奪得「飛躍進步女藝員」，問到男友怎樣與她慶祝？馮盈盈笑說：「噚日先發脾氣話佢冇同我慶祝，原來佢已經安排咗星期六同我慶祝，想話畀Surprise我喎。」講到有指她與無綫續約換獎？馮盈盈說：「有睇報道，但係覺得幾好笑，其實我年頭就已經續咗約，唔係頒獎前先續，如果我知道有獎就唔會喺台上面唔知道要講乜。」與無綫續了長約？馮盈盈笑說：「正常條款，個個藝人都大約係呢個年期。」