世紀復合！82歲謝賢認翻撻CoCo：唔會分手

獨居近億元豪宅的82歲謝賢（四哥）今年7月自爆與細39歲的CoCo分手，回復單身！（相關新聞： https://bit.ly/2T1nlkV ）！之後曾大呻寂寞的他，更自嘲是老人與海，生活枯燥，不過最近有人爆料指四哥跟CoCo復合，並不時到其寓所探望他。他接受電話訪問時，問到兩人是否翻撻？他笑言從未分手：「我哋幾時嗌過交，我哋大家係朋友，唔會分手，一直都係好朋友關係。（佢上你屋企做咩？）大家係朋友呀嘛！」

有愛情滋潤，難怪四哥心情大好，今日他與友人在中環相約high tea時表現風騷，不時談笑風生。