講多無謂！張智霖袁詠儀送阿嬌利是最實際

鍾欣潼（阿嬌）同賴弘國擺酒，張智霖（Chilam）跟太太袁詠儀（靚靚）齊齊到賀，張氏伉儷齊齊受訪，他們表示送利是最實際，個利是封印上個「靚」字，勁搶眼，靚靚說：「因為驚買啲嘢唔啱人哋用。」Chilam笑說：「係囉，屋企好多花樽、相架。」

問到二人可會分享相處之道？他們說：「今次嚟搵番啱啱結婚嘅喜悅，喺婚禮上一定有好多甜言蜜語嘅說話，我哋嚟聽嘅，因為我哋雙方太耐冇講過。」靚靚是否投訴老公？Chilam好大反應：「我投訴佢呀！（有咩同一對新人講？）永結同心，白頭到老。」靚靚大表認同，她說：「有咩都同心，一條心係最緊要，（催佢哋生B？)佢哋急過我哋，順其自然啦，最緊要開開心心。」問到靚靚想聽老公講咩甜言蜜語？是否想要錢或包包？Chilam笑說：「打劫呀依家！」靚靚說：「唔一定呢啲，最緊要返屋企有飽飯食，同埋有個竇。」Chilam聽吧鬆一口氣搞笑說：「呢啲咋，嚇死我，高抬貴手。」