【用愛克服恐懼】賴弘國魔術求婚氹掂阿嬌
20181221
東網電視
更多新聞短片
愛可以戰勝一切！
每個婚宴都一定唔少得一對新人由成長到相識及求婚嘅過程片段，鍾欣潼（阿嬌）同老公賴弘國嘅婚宴都唔例外，片段除咗有賴弘國用魔術求婚抱得美人歸之外，仲內藏用程式執相令佢哋變到滿頭白髮嘅照片，相信係寓意佢哋可以白頭到老！
呢條成長片段講佢哋細個嘅唔多，好快就轉咗去佢哋拍拖階段，當中最特別係外表大大隻嘅賴弘國竟然有畏高，不過佢為咗陪住阿嬌玩高空跳傘，用愛克服咗呢個恐懼，真係睇見都覺得冧！
之後就去到求婚過程，賴弘國驚喜現身阿嬌嘅生日會，揸住玫瑰花嘅佢玩魔術變咗隻戒指出嚟跟住跪地求婚深情咁話：「雖然我們在一起的時間沒有很長，但是我真的很開心可以認識你。我知道其實你很懶，那我希望你可以一直懶下去，因為希望我會一直在旁邊照顧你。」阿嬌驚喜到講唔出嘢唔係好識反應，之後先識得點頭同伸隻手出嚟畀賴弘國幫佢戴上戒指。
----------------------------
東網巨星開咗ig喇，大家快啲follow啦！