阿嬌絕密婚照 鄭紹康黃偉文一攬泯恩仇?

20181221
東網電視
更多新聞短片
雖然得好辛苦,不過啲相真係好靚。
歌手鍾欣潼(阿嬌)同老公賴弘國尋晚舉行婚宴,之前佢哋原本喺墨西哥影婚照,不過因為喺鐘乳洞內水底溫度太低,拍咗一半就要腰斬,雖然啲相數量唔太多,佢哋講過都唔會提前公開,要留番喺婚宴度公諸同好。
呢一批相隨住婚宴舉行終於見天,身穿白色婚紗頭戴花環嘅阿嬌,同着住白色恤衫嘅老公齊齊浸住喺水,深情咁凝望對方真係隔住個mon都感受到愛,而喺水底影嘅相,婚紗加埋水中漂浮嘅效果,令到阿嬌即時變做水中仙子一樣靚到爆!
而有份出席嘅鄭紹康,佢出名人緣好,喺婚宴內不停同老友影相,而當中最特別算係同黃偉文嘅合照,因為之前有傳佢哋不和,今次鄭紹康攬住黃偉文影相,唔通佢哋已經借住阿嬌嘅婚宴一攬泯恩仇?
----------------------------
東網巨星開咗ig喇,大家快啲follow啦!