C AllStar大集合！三子齊撐釗峰單飛出碟

歌手梁釗峰到尖沙咀出席活動力谷新碟，C AllStar三戰友都有撐場，High爆的釗峰一連唱了八首歌，獲大批fans支持，場面墟冚。

他飲水時笑言幻想自己身處紅館的情形，又指很高興C AllStar重逢：「因為今日做冬，都驚佢哋唔嚟！今次隻碟真係多謝公司，班底好強勁，有黃偉文、Eric Kwok等都有幫手，唯一一隻國語歌都出動台灣音樂大師。」講到年底爭新人獎，他表示自己單飛是新人，但C AllStar只是休團，並非解散，所以自己其實是舊人，因此不會去爭新人獎。他表示平安夜晚C AllStar四子會一同到尖沙咀報佳音，即使現在休團，仍會繼續這個傳統。