恩師于正發文講威冪離婚　網友：一早知？

楊冪同劉愷威發聯合離婚聲明，喺冬至呢個日子添上一份憂愁。二人離婚消息一出，亦震驚大陸演藝圈。楊冪當年因為演出于正嘅電視劇《宮鎖心玉》奠定一線女星地位，更視于正為恩人，喺離婚消息炸網後，于正喺微博一席話，被網友認為話中有話、深意十足。

于正咁寫：「人生如戲，戲如人生，緣來緣去，皆是因果。雖然劇情早已知道，演到這一幕還是唏噓！」有網友更問于正係咪早知佢哋離婚。