男友視角嗌BB!J.Arie「結婚」個個送祝福

20181223
東網電視
更多新聞短片
J.Arie係咁嗌男友做BB,真係頂佢唔順呀!
歌手J.Arie(雷深如)最近在社交平台上載以男友視角拍攝的主題樂園短片,片中她模仿一般女朋友在主題樂園必做的事:「我好耐冇拍呢啲表達真實情況嘅片,好想揸機玩吓同剪吓片,呈現番啲女朋友不停咁叫『BB、BB』。啲人留言話好真實,好想打鑊我!不過我自己唔會咁嘅,亦都唔會叫男朋友買嘢畀我,但我真係會跑嚟跑去,好似癲咗咁亂衝亂撞,因為我好鍾意夢幻感覺!」
提到早前上載有份演出的電影《原諒他77次》結婚劇照,J.Arie笑言很開心得到一眾網民及藝人朋友的祝福,包括方力申及張繼聰等:「但係好可惜令你哋失望,我未結婚!阿Sa(蔡卓妍)仲留言『人生勝利組』,好明顯唔係講我依家,而係講個角色啦!」J.Arie指現在正拍攝續集《感動他77次》,今集會講述她婚後嘅生活,好開心跟同片的阿Sa、鄭希怡及盧巧音等感情更好:「阿Sa真係好好,好多謝佢照顧我。」
另外,J.Arie透露現在為香港開電視拍攝新節目,會拍至明年1月,同時還在寫歌,希望有更多新作品。