聖誕送生日禮物有段古 昆凌為氹周董諗爆頭
20181223
東網電視
更多新聞短片
網民都話好羨慕周董有個咁好嘅老婆。
就嚟聖誕節，唔少人都會喺呢段日子玩吓交換禮物，昆凌就趁住聖誕P送咗架價值350萬嘅SUV畀老公周杰倫，不過周杰倫就話呢份「厚禮」其實係佢下個月生日嘅禮物！聖誕禮物變生日禮物，原來背後係有段古。
呢份禮物昆凌一早就計劃好喺周杰倫生日時送出，不過齋送唔夠驚喜，想玩一輪遊戲先送出又怕穿煲，所以昆凌就諗咗呢條橋，夾埋一班好友扮聖誕P交換禮物，當時周杰倫跟住指示玩尋寶遊戲一啲都冇起疑心，當去到車房見到架SUV先知係佢嘅禮物，周杰倫冧到爆，仲不停捉住昆凌又攬又錫！唔少網民睇見昆凌為咗氹周杰倫開心絞盡腦汁，都話好羨幕佢有個咁好嘅老婆。
----------------------------
東網巨星開咗ig喇，大家快啲follow啦！