楊埕晒纖腰！鄧以婷贏18K金頸鏈

藝人楊埕（Sabrina）喺劇集《再創世紀》入面飾演周勵淇秘書而為人認識，最近佢更踏足商界，開設製作公司，實行雙線發展。日前佢以活動籌辦方兼藝人身份，出席一個世界性嘅電競活動，更獲阮兒、白雲、鄧以婷、郭千瑜及陳凱彤等好姊妹，齊齊以bra top裝露纖腰性感撐場。

講到新公司，Sabrina指公司名別具意義：「《再創世紀》呢部劇對我好有意義，我自己拍完之後就發現佢個英文劇名『Another Era』好型好有意思，所以最後就用咗呢個名做公司嘅英文名。（嚟緊有咩搞作？）陸續都會有更多電玩項目嘅合作，希望之後可以一站式由各行各業出牌照到marketing都包辦埋。」

活動上，鄧以婷、郭千瑜及陳凱彤即場示範玩VR game，並喺比賽中贏得18k黃金頸鏈，鄧以婷表示自己一向鍾意打機，所以能夠寓工作於娛樂非常開心：「我好鍾意打機，尤其係對戰類型嘅game，反而VR呢種實體對戰就真係第一次玩，都幾緊張同刺激。」她又指自己亦有開live打機，成功吸納咗唔少「機迷」粉絲。