劉丹首開腔談威冪離婚　認頭繼續湊小糯米

藝人劉愷威及楊冪驚爆離婚，愷威父親劉丹今日現身將軍澳電視城拍攝處境劇《愛·回家之開心速遞》，見他心情輕鬆，苦笑說：「根本冇嘢，後生仔嘅決定，我哋只有兩個字，就係尊重，希望大家都尊重佢哋決定。（愷威返咗港？）唔知佢去咗邊！（返嚟陪你過聖誕？）係呀！（孫女小糯米之後係咪跟你？）佢一切正常，一切照舊。」

對於有傳兩人都有第三者，劉丹說：「你問佢哋啦！（知唔知離婚原因？）你問佢哋啦！（會唔會同阿威傾吓？）唔使傾喇！都係尊重。（阿威心情點？）問番佢哋啦！多謝大家。」