南京重遇 城城一句話搞喊張敏

20181224
東網電視
更多新聞短片
城城簡簡單單一句,「我們從年少便已相識」,即搞喊張敏。
一代女神張敏雖淡出幕前多年,不過佢依然會不時喺社交網更新動向,同一班粉絲分享生活點滴。今日佢就喺網上晒出多張欣賞好友郭富城喺南京站嘅演唱會,除咗同城城合照,仲好開心同城城經理人小美舉起V字,睇相都知佢睇得幾咁興奮,張敏仲感性發文說:「驀然回首,已走過幾十年的人生路,真的很幸運,我能在短暫生命中可以遇見那麼多長久的情意,此次有幸在南京與城城重遇,雖不曾經常聯繫但依舊親切如故。 『我們從年少便已相識』簡簡單單的一句話便已酸了我的眼。最令我感慨的是小美與你的合作,三十年如師如友相互協助,能有多少人可以擁有這樣的際遇呢?真是羨煞旁人。在此,我想對你說,我最親愛的朋友,預祝你百場經典圓滿成功,同時願你能在自己喜歡的領域中再領風騷。」網民都話以往至今張敏都係大家心目中嘅女神,依然咁有佢獨特氣質呀!