連續48個鐘冇瞓!陳瀅捱到病爆喊

20181224
東網電視
更多新聞短片
雖然讚羅天宇好仔,但陳瀅話唔會有發展。
藝人陳瀅為電視劇《黃金有罪》在山頂取景,抱恙在身的她拍攝時凍到震,她稱之前兩劇重疊,每日只有半小時睡眠時間,所以體力不支病倒:「冬至當日連續48小時冇瞓,婆婆經常話冬大過年,佢喺廣州,我陪唔到佢過,加上壓力大同埋病咗,返到屋企忍唔住喊,覺得自己點解咁辛苦,但喊完就冇事,朋友都安慰我話努力會有回報。而且我好熱愛工作,覺得都係好經驗,發覺48小時唔瞓都頂得住,下次可以挑戰60個鐘唔瞓,不過就唔好兩套劇重疊,因為身體支持唔到,表現亦會差啲。」
同羅天宇係好朋友
提到日前陳瀅跟緋聞男友羅天宇與另外四名朋友同遊嘉年華,被網友指是Triple Dating,她坦言:「我哋嘅緋聞由拍《跳躍生命線》開始傳,可能觀眾都好鍾意我哋呢對一對,想我哋現實都一齊,不過我哋係好朋友,好多聚會都會一齊,聖誕都有機會約埋佢同一班朋友聚會。(有冇發展機會?)佢係個好男仔,但唔會有發展。因為已經Friend咗一段時間,唔會有咩而改變關係。」
----------------------------
東網巨星開咗ig喇,大家快啲follow啦!