聖誕Dry爆!《愛·回家》池美麗怕墮網上情騙

20181224
東網電視
更多新聞短片
緣分呢啲嘢好難講!
藝人鍾凱琪在無綫劇集《愛·回家之開心速遞》中飾演「池美麗」,她在劇中明戀飾演「秦博思」的馬貫東,並主動發動攻勢,全不怕食檸檬。但在現實生活中,鍾凱琪原來是被動型,拍拖次數更五隻手指數得晒!
Dry爆超過十年的她,坦言從未與男朋友度過聖誕節:「多數都係攬住屋企隻貓過。」雖然冇愛情,但親情搭夠,她選擇與家人共度佳節,一樣過得開心:「聖誕節其實好開心,當然有情人一定好,但冇情人咪同屋企人過,我之前會同屋企人,舊年我請屋企人食黑毛和牛火鍋,埋單嗰刻好開心,因為我請到佢哋食好嘢。」
單身多年的她坦言當然想拍拖,但也知道緣分是可遇不可求。問到甚麼類型的男士才能打動芳心?她說:「我唔會咁set死,但一定同對方相處落有Feel,好多嘢都相處先知。(接唔接受小鮮肉?)上限15年啦,我好驚有代溝。(會否主動出擊?)我屬於唔出聲嘅類型,我會將對佢嘅感覺會同隻貓講自High。(唔出擊?)會打破個關係㗎!就算你原地踏步都好好㗎,可能係佢可以跨一步呢。」
談到現時流行玩交友App搵真愛,她表示身邊不少好友能夠覓得真命天子,但她卻害怕捲入網上騙案:「我試過玩交友App,但我又冇乜嘢講,我又好驚係網上騙案,你哋見到我嘅身形,可能會畀人Sell健身、減肥、美容同保險,我真係想試,但好怕畀人呃。」
場地:apm
----------------------------
東網巨星開咗ig喇,大家快啲follow啦!