約蕭生蕭太過聖誕 唐詩詠自爆下年做人妻?

20181225
東網電視
更多新聞短片
係咪要講定恭喜?
聖誕快樂!唔知大家有乜節日慶祝活動呢?呢日,女星唐詩詠就約咗早前公布已婚嘅蕭正楠同黃翠如、C君同DJ女友黃天頤等好友一齊開P慶祝,非常熱鬧!唐詩詠喺IG表示:「多謝你地(哋)嘅愛,願所有人都幸福。」仲晒出四個女仔嘅合照,透露:「下年呢個時候,就變成有三位可愛人妻嘞(喇)?」 咦?!三位人妻?有邊個先?唔少網友都笑問係咪包括詩詠自己喎!
另外,蕭正楠亦有晒出應節相,不過主角就唔係蕭太,而係佢哋隻愛犬「小六」,蕭生仲冧爆留言:「我想將雙手的溫暖付托在你肩上 我想將鼓掌的聲線盤旋在你光環上 若你無言讓天使合唱 祝大家聖誕節快樂!特別係平安夜同聖誕節要開工嘅人……包括我 #小六 #今晚陪唔到你玩 #底褲仔穿返(番)低啲。」講到咁深情,網友都問蕭生係咪借小六過橋,其實想向太太示愛呀!
----------------------------
東網巨星開咗ig喇,大家快啲follow啦!