林凱恩同粉絲度聖誕　自製禮物慰粉絲

藝人林凱恩（Iris）近日忙於拍攝新劇《她·她·她的少女時代》，日前提前同一班粉絲慶祝聖誕佳節，Iris透露當日好開心大約有三十名粉絲出席，粉絲們仲知道佢要減肥，所以親手煮嘢食畀佢，她說：「上次粉絲聚會我整咗嘢畀佢哋食，今次佢哋好好，知我要減肥煮番畀我，令我覺得超級感動。」

佢又話同粉絲玩遊戲，勝出者就可以同佢打麻雀、打機同埋唱歌：「真係好開心，感覺好似一家人咁。最Sweet係交換禮物環節時，我親手整咗啲禮物畀佢哋，係啲餐具上刻自己個名，仲買咗啲蜜糖，而大獎亦係我自己設計嘅衫。每次見到佢哋真係好開心，好想同佢哋多啲互動，我知道佢哋真係好錫我，我會再努力做啲成績畀佢哋睇！」