Bob嫂賣四人兒童床　好玩到有得瀡滑梯！

藝人林盛斌（Bob）婚後太太Pearl為佢誕下三女一子，不過四個小朋友年紀愈嚟愈大，啲床都開始唔啱瞓，所以Pearl日前喺網上出售二手四人兒童床。

相中可見，四個就係瞓呢張雙層嘅木製兒童床，上層分別係兩間小木屋，連接住一條瀡滑梯落床。此外，亦見到下層嘅櫃入面有多本書籍，睇嚟阿Bob為培養小朋友嘅閱讀習慣，買咗好多書畀小朋友。而且有兩張床褥放喺地下，相信係畀兩位工人姐姐瞓，方便照顧小朋友。

不過今日就有報道指Bob被逼遷，本身畀開每個月11萬租三千呎加多利山豪宅嘅佢忽然不獲續約，要佢哋一家八口連兩個工人姐姐搬走，依家就搬咗去九龍塘住，睇嚟今次賣床都應該關事。