被迫遷失控鬧人 Bob認發爛渣Say Sorry

20181229
東網電視
更多新聞短片
知錯能改。
近日藝人林盛斌(Bob)於「迫遷」事件中涉發瀾渣鬧人,被網民批評態度有問題,Bob接受東網訪問時直認當時情緒失控,他解釋搬入去時知道隔籬左右住咗十年以上,以為自己都可以安居樂業,突然收到通知要搬走,最後限期正喺農曆新年前年廿幾要搬走,因工作忙碌兼一家八口搵樓有難度,曾多次與業主職員商討,希望可以過年後才搬出,但每次結果都係一樣限期冇變,Bob表示:「我一向EQ都唔錯,可能係多嘢忙緊,加上擔心屋企人過年前好頻撲,當時突然間情緒失控,大聲咁鬧個業主嘅職員,之後冷靜落嚟,有打畀地產代理say sorry,對方都話明白我嘅處境,成件事業主態度好好,業主職員冇問題,係我自己控制唔到情緒。個業主真係冇迫遷,佢真係畀足三個月時間我。」
將於一月頭舉行Talk Show的Bob,雖然要不停度稿,終於可以抽到一日時間全力執拾細軟預備搬屋,他表示完騷未能休息:「一完騷就要趕去買傢俬,希望過年前可以順利入伙,如果唔係過年期間拖男帶女真係『哩咁Hea』。」Bob續說九龍塘的新居比現居大少少,價錢亦相對貴少少,至於早前放售的小朋友瀡滑梯床,他謂:「如果放唔到都唔會搬去新屋,因為唔係太啱用,呢啲都係少事,最緊要係屋企人住得舒舒服服。」
----------------------------
東網巨星開咗ig喇,大家快啲follow啦!