Miley婚禮平到笑　估計埋單唔使兩萬美元

美國著名女歌手Miley Cyrus與影星未婚夫里安漢斯禾夫（Liam Hemsworth）聖誕前在家中結婚，除了被爆在千萬豪宅食兩嚿水港元炸雞之外，原來其他都好慳皮。有傳媒更為佢統計下整個婚禮到底使咗幾多錢？

場地方面，Miley比起前男友歌手Nick Jonas那個搞足幾日嘅390萬港元印度世紀婚禮平好多！Miley選擇唔使錢在田納西州家搞，而現場布置嘅花預計大約1.2萬港元，個結婚蛋糕及提供畀賓客的杯裝蛋糕均來自當地的蛋糕店Ivey Cake，估計埋單只需大約1,716港元。而用嚟布置的汽球則用咗5,265港元。酒水方面就用咗1萬港元左右，據知Miley慳皮到向本土店舖租古董酒杯，而每隻12蚊港元左右，大概用咗351港元。

全場最貴就係新娘套象牙色低胸晚裝由英國名設計師「西太后」Vivienne Westwood設計，要6.7萬港元左右。相反新郎哥套禮服就平到笑，大約390港元！整個婚禮埋單大約用咗136,968港元！