自爆追仔成功?城城勁風騷:係呀!

20181229
東網電視
更多新聞短片
城城被問到「仔」女腳頭好時,佢竟然答「係呀」!

天王郭富城(城城)今日孖住老婆方媛恩愛現身馬場,而其愛駒「舞士精神」更第一次出賽即跑第一,風頭認真一時無兩。講到愛駒跑第一,城城表示賽前以平常心面對,因為自己養過兩匹馬,好明白賽事有好多變數,並指自己初初見到愛駒時已經好鍾意,好開心能夠擊敗其他有經驗嘅對手。

當問到老婆及「仔」女撐場腳頭好時,佢風騷表示:「係呀,太太同小朋友都有嚟,頭先喺上面都玩得好開心,囡囡見到啲朋友都好活躍。(咁旺你會唔會帶多啲佢嚟?)等佢再大少少先啦,不過我將來都可能會帶佢學策騎。(有冇帶佢去餵馬?)未呀,之前都好忙,未有時間。」

佢又續指好多謝身邊朋友咁支持「舞士精神」,笑言自己賽前沒有太大信心,所以都冇落重注,並指將會同屋企人食飯慶祝。至於講到嚟緊嘅演唱會,佢透露:「今晚我就要出發去大陸,後日就係巡迴演唱會。(天氣咁凍有冇做足保暖措施?)其實武漢、南京嗰幾場都好凍,所以一路都有保護好自己。」

----------------------------
東網巨星開咗ig喇,大家快啲follow啦!
 https://bit.ly/2JjSVcr