【唔使用手嘅】曹永廉示範肉嘴靈活撳電話

20181230
東網電視
更多新聞短片
大家勤加練習,隨時都可以超越曹永廉!
無綫藝員曹永廉(阿廉)出晒名係玩得之人,已有一對仔女嘅佢依然似足大細路,近日孖田蕊妮(阿田)拍緊新劇《她·她·她的少女時代》嘅佢,就畀拍檔曝光劇中一個「損手」造型,十指包晒紗布同黐滿膠布嘅阿廉,仲即席示範點樣用佢嘅櫻桃小嘴撳電話添!
阿田喺社交網上載短片,影住阿廉拎住部電話係咁咀,仲Keep咗個「金魚嘴」左錫右錫,個頭左擰右擰,原來佢因為包實晒啲手指,搞到個電話感應唔到佢對手,所以佢就用自己個嘴仔撳電話!佢仲靈活到可以放大縮細相片,揈吓個頭又可以睇下一張相,錫一錫部機就睇埋Whatapps,直頭為大家打開用電話嘅新大門,唔怪得佢氹到身旁嘅阿田笑到收唔到聲,大讚佢用到出神入化呀!