霆鋒畀面到賀 關智斌38歲生日被強吻

20181230
東網電視
更多新聞短片
關智斌轉眼又38喇!
今日係藝人關智斌(Kenny)38歲生日,尋晚佢同一班朋友好似張致恒、蔡卓妍(阿Sa)、鍾欣潼(阿嬌)、容祖兒同埋張敬軒等人開生日派對,大家都好跟足大會服裝指引,着上Bling Bling衫閃爆賀Kenny!身為壽星仔嘅Kenny,着上紫色閃爆外套風騷咁滿場飛,除不斷同大家影合照之外,仲被張致恒強吻送肉嘴,但一樣咁開心!
而謝霆鋒亦有出席,雖然佢就冇跟dress code着衫嚟,但都同大家打成一片!而亮點則落入古巨基同埋太太Lorraine以情侶裝示人,見向來低調嘅Lorraine似乎玩得好開心同埋投入。呢晚玩得咁開心,仲話飲到好醉但好開心:「又大一歲啦!終於18歲啦!前嗰幾年都係劇組度過,加上性格低調 #應該係 所以都好少搞生日會,不過今年一班好sweet嘅朋友話要搞大佢喎,佢哋仲好開心咁諗左主題 Dress code #blingbling 話要比一個Surprise party我 #其實就唔係好surprise #你哋邊守到秘密㗎 #我仲有史提芬咁大支針喺度」