田蕊妮低胸吊帶危站天橋頂　驚動消防員！

天文台今早錄得最低氣溫10.3度，係入冬以來最低紀錄！當個個包到成隻糭時，田蕊妮（阿田）就着上低胸吊帶短裙，不過重點係佢竟然危站天橋頂，年尾流流驚動埋消防員添，究竟發生咩事？

其實係佢近日忙於拍新劇《她·她·她的少女時代》，拍攝一幕喺天橋上疑似唱歌嘅戲份，見本身着上大衣及戴口罩嘅佢突然除衫，以性感神奇女俠Look示人，不過唔知係咪太危險關係，佢喺社交網自爆消防員都嚟埋：「今日我哋嘅拍攝驚動咗阿sir添！#辛苦晒#立刻離場」唔少網友都叫佢小心啲，笑言「冷靜啲落番嚟先講」，亦有網友心痛佢，話天氣咁凍先嚟拍性感戲，慨嘆演員真係唔易做呀！