HAHA想追女！老婆Star佗第三胎10周

韓國人氣綜藝節目《Running Man》的39歲男星HAHA與35歲歌手太太Star，於2012年結婚至今依然相當恩愛，Star於2013年及去年先後為丈夫誕下兩名兒子，今日又透過事務所宣布好消息，Star現時已佗緊第三胎，目前大約懷孕十周左右，因為屬懷孕早期，所以一齊也格外小心，就連身邊好友也未知Star懷孕的喜訊。

Star曾於8月演出電台節目時透露因為頭兩胎都係生仔，所以HAHA好想追個女，但Star又謂HAHA見到她養兩個細路太辛苦，都有講笑咁嗌佢放棄生第三胎，不如專心唱歌好過。而上月中，Star出席新歌活動時，HAHA亦有現身捧場，當時Star已懷有第三胎，但未知今胎會否生女。