買樓冇佢名!馮盈盈為間屋同男友嘈交

20190101
東網電視
更多新聞短片
相嗌唔好口喎~
藝人馮盈盈、傅嘉莉、張寶兒、張景淳、伍富橋及張啟樂等到屯門V City出席倒數活動,鬥擺甫士及玩遊戲,期間新鴻基地產代理租務副總經理Evelyn送上願望板,讓藝人寫上新一年願望,盈盈表示想表演唱歌,笑言今晚只有她這位嘉賓沒有獻唱:「我仲未練好歌,希望抽到時間練好啲,依家噪音方面嘅功力就唔錯。」
2018年奪得飛躍進步女藝人的盈盈表示將拍攝新劇《極道怪咖》,跟主角王浩信等都未合作過,是一次大挑戰。她又透露男友「寶寶」最近置業,兩人要搞裝修及買傢俬,身為女主人的盈盈非常投入:「但大家諗法好唔同,都有鬧交,我希望可以上鏡啲畀我開live,佢就想簡約啲,惟有互相讓步。(新屋有冇你名?)冇我名㗎!畀我留番首次置業Quota啦!(新一年大計包唔包括結婚?)寶寶買咗樓,冇晒錢喇!惟有再努力啲工作儲錢,所以我哋聽日慶祝元旦,都係要節儉,始終佢有供款壓力。」
另外,盈盈上倒數節目時,在塔羅牌占卜環節,盈盈抽到「蠱惑」的牌,塔羅牌師指這張牌代表雙方有一人會講大話,着盈盈要小心維繫感情,盈盈即表現無奈,當其他主持起哄叫盈盈下次帶埋寶寶一起倒數時,盈盈又再爆發:「好呀,下年都未散,就嚟啦!」全場嘩然!
----------------------------
東網巨星開咗ig喇,大家快啲follow啦!