李丞責想追豬B　劉倩婷即閂閘

堪輿學家李丞責與太太劉倩婷及女兒一家三口現身機場，李丞責透露剛由新加坡外遊返港：「去咗嗰邊倒數過除夕，同埋帶小朋友去睇動物。（過咗一個暖笠笠嘅除夕。）唔止暖，仲好火爆，因為睇煙花，嗰邊好熱，流汗流到瘦咗幾磅。」問到會否再添丁？劉倩婷即時閂閘：「未係住。」李丞責笑言：「登記咗，但係未批。（豬BB比較旺？）開心啲囉，我哋唔知趕唔趕得切，屬豬嘅人公平啲、能活在當下、樂觀積極，喺咁緊張嘅社會幾適合。」不過劉倩婷不忘補充說：「Sorry，呢個係佢一個人講，我哋要商量吓先。」