Anna大個女！《魔雪奇緣2》主角造型疑曝光

迪士尼人氣動畫《魔雪奇緣》（Frozen）於2013年上映風靡全城，全球大收99.98億港元，不但令歌曲《Let It Go》變成全球小朋友嘅共同語言，行出街仲時不時有一大堆「Anna」同「Elsa」，人氣不得了！而《魔雪奇緣》（Frozen 2）今年年尾終於出爐，近日迪士尼發布2019年俄羅斯版年曆就疑似提早公開兩位公主於續集嘅新Look！Elsa同埋Anna於相中換上新裝之外，前者個髮型冇咩變，而Anna就變得成熟好多，而迪士尼暫時未有回應，未知係咪真係官方電影造型，但粉絲已於社交網瘋傳照片，大呼驚喜！