凍到手指都僵硬！陳茵媺包到冚晒鑽戒
20190102
東網電視
更多新聞短片
陳茵媺手上嘅鑽戒唔知係唔係陳豪送嘅呢？
前港姐陳茵媺2013年下嫁藝人陳豪，婚後先後誕下兩子一女，之後就淡出幕前，主力相夫教子。近日天氣嚴寒，陳茵媺都冇偷賴，一朝早就陪小朋友出咗去踢波，佢喺社交網上載咗一張自拍照，見佢禦寒功夫做到足，着住羽絨戴晒帽，但佢都話覺得好凍，仲話喺凍到離譜嘅天氣下做一個足球媽媽，真係凍到連手指都僵硬埋！睇吓佢啲手指，嘩！唔止僵硬喎，仲好不經意咁晒咗兩隻鑽石戒指出嚟，其中一隻仲鑲嵌咗一粒好大嘅鑽石，真係好閃呀！有網民搞笑話有粒咁大隻嘅鑽戒照住，幾凍都唔怕啦！
----------------------------
東網巨星開咗ig喇，大家快啲follow啦！