冇做安全措施？姚子羚孖陳瀅天台「危企」

藝人姚子羚近日忙於拍攝無綫新劇《黃金有罪》，皆因劇集背景係70年代，所以大家喺造型上都要襯番。劇中戴上金絲眼鏡造型嘅子羚，喺網上晒出一張同同劇演員陳瀅合照，見到佢兩個喺天台「危企」，子羚拎住收音器，陳瀅就拎住個反光板，大擺甫士，似乎佢哋拍得好開心，子羚仲話：「我同阿妹都識收音同打靚你個樣㗎！Roll機～action！」網民都話睇見都覺得好危險，叫佢哋落番嚟先影相！