「舒妃」慶生　佘詩曼驚喜現身攬實死對頭

熱爆內地宮廷劇《延禧攻略》帶紅唔少藝人，包括喺劇中飾演潑辣「舒妃」嘅內地女星李春媛，尋日生日嘅佢喺社交網上載多張生日派對相，除咗有黃曉明之外，就連喺《延》飾演「嫻妃」、同李春媛有多場對手戲嘅佘詩曼都驚喜現身，「延禧」組合再度合體！其實佢哋近日齊齊為《延》製作人于正嘅新劇《鬢邊不是海棠紅》開工，春媛亦有留言指好開心加入呢個大家庭：「補上昨天的生日圖，第一次這麼多人一起過生日，謝謝所有人的到來，我愛這個大家庭，我是如此的幸福。」