餵蚊都唔怕!何廣沛冧爆有朱晨麗餵食

20190106
東網電視
更多新聞短片
何廣沛話佢都係同朱晨麗正常食飯睇戲啫!
藝人張兆輝、蕭正楠(阿蕭)與何廣沛為無綫劇集《黃金有罪》開工,拍攝眾人於半山跑步戲份,沒料於等待埋位之際,何廣沛已被現場蚊滋咬到成手蚊瘌,認真慘情!不過在旁的阿蕭未有可憐他,更取笑近日他與緋聞女友朱晨麗朱朱餵食漢堡包,令何廣沛無力招架,他謂:「都係正常食飯睇戲,咁啱佢想試吓我個包係咩味,一時冇手先餵一餵。」對於已第二次被拍到與朱朱餵食,阿蕭即抵死謂:「佢真係好鍾意餵人食嘢。」對於阿蕭連番取笑何廣沛,張兆輝聽到?晒頭,及後經講解一輪才恍然大悟,並起勢喪讚:「原來係咁,其實呢啲榜樣唔係度度有,好難得咁細心,係好仔嚟㗎!」
而與已故導演林嶺東關係友好的張兆輝,表示連日來忙於為劇集開工,未能協助林嶺東家人辦理後事,但指若時間許可,屆時會出席對方的喪禮,他謂:「佢係我好好嘅朋友、師兄,亦係一位好導演。(呢幾日有冇聯絡林嶺東家人?)我太太同佢太太有聯絡住,有慰問嘅。」
----------------------------
東網巨星開咗ig喇,大家快啲follow啦!