隨時坐正!陳庭欣爆男友急結婚試探口風

2019年01月06日 12:51
東網電視
更多新聞短片
老闆娘~~~~

藝人陳庭欣(Toby)現身慈善步行,她透露除了去年開工未能參加外,年年都有支持,她說:「尋晚做節目做到十一點幾,瞓咗四個鐘又起身,不過愈早起身就愈緊張,好在起到身。(男友有冇一齊嚟?)點會嚟呀,不過都可以叫佢間公司做多啲慈善,但我知佢已經起咗身,因為今朝係佢call我起身,但最大功勞係我爸爸,因為係佢開車車我嚟會場。」

另外,提到Toby早前跟男友在工展會甜蜜巡舖,她稱:「我每年都有行。(以老闆娘身份去?)唔係,以巿民身份,我係去支持。(最近咁高調拍拖,係咪好事近?)我唔係高調,但唔會好似以前咁逃避,雖然我依家都係事業行先,但雙方都覺得咁樣舒服都可以講吓,我係輕鬆咗,冇咁避忌,係開心事。(有冇計劃結婚?)我個人未,但男友久唔久就會唔小心咁提一、兩句,我哋實際上未有計劃,最近好多朋友都冇啦啦恭喜我,如果真係結婚我會同大家講,大家唔使咁心急。(男友點同你提結婚?)佢問我有冇諗過將來婚禮點搞,我輕輕講過話想戶外,但唔會再有下句,因為我同會佢講慢慢嚟。(你終結個話題。)呢個係我身為司儀嘅職業病。」