Band仔父子情　鄧建明為阿仔放洋流男兒淚

殿堂級太極樂隊成員鄧建明（Joey Tang）及雷有輝（Patrick）為周家蔚及劉永健主持的節目擔任嘉賓，Joey笑言曾經廚藝了得：「之前最拿手整即食麵，但自從要做Gym打擊脂肪肝後，就對即食麵冇咗個癮。（冇食幾耐？）都有兩年，喺教練嘅忠告同訓練下係有成果，依家都冇咗脂肪肝。」

講到二人的同齡仔仔今年考DES，Joey表示兒子鄧朗堯（Justin）之後會去澳洲升學，由於從未試過同仔仔長時間分隔兩地，故有次揸車時諗起父子即將分隔時不禁流下男兒淚：「一家人嘅感情就好似三兄弟姊妹咁，今次老婆會陪仔仔過去搞點好啲嘢先。（你得閒過去？）老婆依家就同我講定，雖然澳洲好近，但唔好去旅行都話要去澳洲！」