真係結咗婚？奇洛爆雲露娜稱呼佢做老公

荷里活著名女星雲露娜維達（Winona Ryder）去年與前度奇洛李維斯（Keanu Reeves）合演愛情喜劇《婚禮進行識》（Destination Wedding），而雲露娜受訪時就爆90年代二人拍攝《吸血殭屍驚情四百年》（Bram Stoker’s Dracula）中一場結婚戲時，導演請咗個真正的羅馬尼亞藉神父為佢哋主持婚禮，雲露娜仲向天發誓佢哋已經結咗婚。而奇洛昨日受訪時被問到佢同雲露娜有冇慶祝結婚周年，佢就爆雲露娜耐唔耐會短訊佢稱佢做「老公」慶祝佢哋結婚周年紀念。

奇洛話初時唔信雲露娜話佢哋已婚：「但哥普拉（ Francis Ford Coppola）（《吸》導演）聯絡過雲露娜證實，當時真係有神父主持我同雲露娜婚禮。」主持再問佢：「咁即係真？」奇洛笑住回答：「係呀，好正！」