煮畀王菲食？謝霆鋒落街買餸被捕獲

早前宣布喺香港開騷嘅謝霆鋒，喺頒獎禮揸番支結他表演又彈又唱，不過喺呢段「暫休」時間，佢就被捕獲去街市買餸，唔通係煮畀王菲食？

有網民晒出多張照片，霆鋒一身便服拎住個環保袋，之後除低副超落手落腳揀食材，毫無架子，仲春風滿面笑騎騎！而佢身邊就有位男子，原來係大陸男星白宇，兩人沿途有講有笑，相信只係拍緊節目啫！