做女強人！筱靖拜四面佛催谷生意

前亞視藝人筱靖，退出幕前全身投入搞飲食生意，開了兩個舖，可謂有聲有色。一向篤信泰國四佛的她，特別前往祈求生意順利，希望新一年更順境，她說：「今已經第四年返嚟還神啦，我年頭嚟祈福，年尾就會返嚟，願望係咪成真，我都會返嚟拜，（許咗咩願望？）想今年買多啲海外物業，上年喺香港﹑加拿大都買咗，希望今年再接再厲！另外今年想喺餐飲方面發展大啲，（做女強人？）哈哈！我都好想搞吓活動，有朋友見我哋呢兩年個品牌做得到唔錯，想畀個戶外地方我用嚟做夜市﹑搞活動，我都好想可以做到！」