踩單車攻大帽山頂 麥明詩封教練做暖男

20190110
東網電視
更多新聞短片
麥明詩將出發踩單車去柬埔寨拍攝節目,她大讚教練胡健燊(圓圖)細心,是個暖男。
「十優港姐」麥明詩(Louisa)身穿旗袍現身銅鑼灣Fashion Walk,出席《芝麻開運『型』新春》活動,Louisa於進場時由5位《芝麻街》明星帶領,期間舞動身體配合音樂節奏,表現Hyper!繼台慶後再獻舞技的她說:「新年要有新願望,改善自己做得唔好嘅地方。(有花時間排呢幾吓舞步?)喺腦海排,都覺得自己表現好好。(又有甩Beat?)唔係,同幾個朋友Elmo(布公仔艾蒙)佢哋初次見面,未有機會夾,可能佢哋快咗啲。(接Job話要跳幾步?)冇㗎,唔問做咩。」
2019有個好開始
講到後日就出發踩單車去柬埔寨拍攝節目,Louisa表示心情既興奮又緊張,連日來都為旅程作準備:「勤力練車,執緊物資,糧食、衣物、單車零件,最緊要係心理狀態,會踩住過新年,今次離開香港咁耐時間,都約咗朋友食飯,做咗新年要做嘅嘢先。」問心理準備如何?她會以逆來順受、見招拆招面對:「教練話我可以快啲,早兩日去咗大帽山由山腳踩上山頂,都算喺2019年完成咗一件人生大事,之前都冇上過大帽山,行都未試過,希望朝着呢個咁好嘅開始,嚟緊嘅旅程會好順利。」
Louisa會給予自己更多動力去支撐整個旅程,幸好有靚仔拍檔潘梓鋒:「望住佢做動力去踩。(教練胡健燊呢?)佢可能後半Part先嚟,希望佢嚟到,就可以畀好大強心針我。」上次話不排除同教練踩出「火花」,對方見到報道有何反應?她笑話教練比較專注睇體育版,但不知道對方反應,並澄清「火花」意思的意思是發展單車興趣的空間,但仍不忘大讚他夠細心:「照顧我起居飲食、關心我有冇補充體能同營養、關心我有冇拉筋,都幾窩心!」看來大有好感!
P.S現年33歲的胡健燊是香港傑出單車手,主要參加公路賽,2008年奧運男子公路單車賽第88名,是首位完成奧運公路單車賽香港單車手,2015年退役後在中環一家酒吧擔任經理,負責選酒兼任廚師。