新劇獻第一次!羅霖揸小鮮肉Pat Pat兼摸胸

20190110
東網電視
更多新聞短片
羅霖喺新劇有唔少大膽演出!
藝人羅霖身穿高貴晚裝出席慈善晚宴,受訪時開心預告農曆新年將出埠前往緬甸,為當地最大的Spa剪綵:「自己都係第一次去緬甸,初四出發,相信2019年會好過2018年。」講到新年願望,她表示最想仔仔讀書好和聽話,最緊要都是身體健康,以及希望除演藝事業外,於其他生意上都有合作:「啲錢搵得實際啲,最近都有客串劉美君身兼監製嘅劇,本身同佢唔係咁熟都有啲驚,合作後發現原來我哋係同年,劇入面做佢嘅閨蜜,都好傾得埋。」
挑戰演技唔做花瓶
羅霖透露於劇中獻出不少第一次,包括要抽小鮮肉水:「角色係由外國返嚟、好活潑,要揸小鮮肉Pat Pat都幾尷尬!拍咗3個Take,每次都再加重戲,打仔Pat Pat就試過啫!我呢啲上一代好保守,今次真係豁出去,費時要NG。(仲有冇啲激啲?)仲有摸兩位小鮮肉嘅身同胸,好彩隔住件衫!(有冇咀?)咀就留番畀劉美君,我都係客串。」續指亦有首次敷住面膜拍戲,問到之後可會挑戰尺度、作大膽嘗試?羅霖表示自己是演技派,不需要大膽到摸男人:「要我扮醜、唔化妝、壞人等乜都得,係挑戰自己演技,依家唔想做花瓶。」
----------------------------
東網巨星開咗ig喇,大家快啲follow啦!