再贏周柏豪 胡鴻鈞尷尬:一家親冇計

20190113
東網電視
更多新聞短片
大豐收!
歌手胡鴻鈞(Hubert)於《2018年度勁歌金曲頒獎典禮》勇奪4個大獎,以半個獎之差險贏師兄周柏豪,當中包括「最佳演繹男歌星」、憑2首歌獲「勁歌金曲獎」及「勁歌金曲唱片銷量大獎」。受訪時他表示大豐收,為2018年畫上完美句號,並指去年於音樂上有多方面新嘗試,例如開音樂會及創作歌曲,最後能得到認同就猶如打了一支強心針。
講到險勝柏豪半個獎時,Hubert即向記者嗌晒救命求饒:「又係呢個問題?上年問過啦!覺得贏唔係計獎項嘅數量,一家親冇計輸贏。(你主動講上年都係,即係想講蟬聯贏兩年?)唔係咁講,新嘅一年就唔好重複問問題啦,最緊要大家繼續努力唱好歌畀大家聽。」追問贏柏豪會否唔好意思?他笑話:「柏豪係一個好支持朋友嘅人,佢未加入公司之前我哋成日都會Message互相打氣、鼓勵,都識咗好耐,之前喺活動上交換電話。」續指都好欣賞對方,又大讚柏豪做戲、唱歌方面都好勤力,又有風度、禮貌,是一位值得學習的對象。
至於問到下次可會直接向偶像張敬軒「挑機」爭男歌星?Hubert打趣謂:「同到佢合作就已經無憾,呢個係心願。」
----------------------------
東網巨星開咗ig喇,大家快啲follow啦!