遊泰睇古蹟！陳鈺芸難忘360度放煙花

武打女星陳鈺芸（JuJu）早前到泰國開會，並順道到當地遊玩，實行寓工作於娛樂，她說：「當地開咗好多新嘅米芝蓮餐廳同好潮嘅酒吧，我同朋友一齊去試食。我仲去咗泰國大城，當地有好多古老建築，好靚。」她坦言最難忘是在當地超近距離看煙花：「係我有生以來睇過最近距離嘅煙花，現場圍住條河360度咁放煙花，我哋喺一間餐廳嘅露台睇，真係好震撼，啲煙花屑仲跌落我哋塊面。」她稱很喜歡泰國，不時會到當地歎美食及按摩，而且當地有不少古蹟，非常值得遊覽。