【唔係老公】林淑敏晒相：我最重要嘅男人…

藝人林淑敏憑《愛．回家之開心速遞》「大小姐」一角人氣急升，觀眾更熱捧佢同「送水輝」許家傑呢對情侶檔，只要兩人合體出席活動或者同框，網民都Like爆！呢日「大小姐」上載一張合照，見李偉健、羅樂林、許家傑、歐瑞偉四個大男人排排坐，林淑敏留言：「四個我最重要嘅男人 ??眼 #龍力王 #吳家聰 #龍敢威 #送水輝」唔止林淑敏心心眼，連成班網民見到之後都心心眼呀。

有唔少人留言表示好希望「蓮輝之戀」有個Happy ending，仲有人鼓勵「大小姐」自食其力開公司，之後同「送水輝」雙宿雙棲！而許家傑都有喺個post度發表霸氣宣言：「終有一日 我會叫terry 做細佬」真係Man到爆！